Datorren astean eman behar da izena Brentako dolomitetara joateko
Gernika-Lumoko Goi Zale mendi taldeak Italian kokatuta dauden Brentako dolomitetara joateko irteera antolatu du. Uztailean egingo dute bidai hori, baina datorren astean eman beharko dute izena interesatuek.
Uztailaren 7tik 14ra bitartean joango dira Goi Zalekoak Pforzheimekoekin (Alemania) eta Vicenzakoekin (Italia) batera Bavariako Alpeetara. Leku mugatuak izango dira, eta zozketaren bitartez aukeratuko dira bertara joango direnak, jende gehiagok izena ematen badu.
Datorren martitzenean, hilaren 26an eta eguenean, hilaren 28an egongo da irteeran parte hartzeko izena emateko aukera. Beti bezala, 20:00etatik 21:30era egongo da mendi taldearen lokala zabalik, eta orduan apuntatu beharko dira interesatuak.
Goi Zalekoek jakitera eman dutenez, dena den, taldeko bazkideek bakarrik parte hartu ahalko dute irteeran; betiere, mundu mailan federatuta badaude.
Brentako dolomitak
