Urgatz: "‘Herio’ gure bigarren lanak gure estiloa finkatzen du"
Unai Arostegi, Xabi Ojinaga eta Unai Renteria
Antzerkia ere grabatu egin genuen, eta behin materiala eskuetan geneukala, kaleratzea erabaki genuen. Hortaz, grabaketa DVD batean egitea erabaki dugu, eta antzerkia liburu batean”Diskoa bera da lan guztien irizpidea. Denek hitz egiten dute Herio-n alde onaren inguruan. Lehenengo antzerkia egin zuten, bi sesiotan aurkeztuz. «Bietan bete zen aretoa, eta antzerkian taldekoek jarri zioten musika antzezten zeuden bitartean. «Antzerkia ere grabatu egin genuen, eta behin materiala eskuetan geneukala, kaleratzea erabaki genuen. Hortaz, grabaketa DVD batean egitea erabaki dugu, eta antzerkia liburu batean», zehaztu du Renteriak. Dena denboran sortuz joan zen. Hasiera batean hamabi kantako diska bat egin beharrean, laukoa egitea pentsatu zuten, «baina irudiak jarriz guztiei». Lau bideoak grabatu zituztenean, istorio bat egitea pentsatu zuten; istorioagaz antzerki bat eta antzerkiagaz liburua. «Azkenean, gauzak batuz joan gara, eta gauza gehiago ez egitea erabaki dugu, bestela ez genuke inoiz bukatutako», azaldu du Renteriak, barrezka.
Prozesu guztiak gure burua aurkitzeko ere balio izan digu, eta Herio izena jarri izan badiogu ere, gure nahia guztiz kontrakoa islatzea da»Lau kantak nahikoa ilunak dira, apur bat existentzialista egon ziren adierazgarri. «Baina prozesu guztiak gure burua aurkitzeko ere balio izan digu, eta Herio izena jarri izan badiogu ere, gure nahia guztiz kontrakoa islatzea da», esan du Ojinagak. Izan ere, Herioren alde ona nabarmendu nahi zuten, gauza txarrak hil edo atzean utzi behar direla azpimarratu nahian. Denen artean idatzi dute antzerkia. Eta gero, antzerki munduan dabiltzan lagunak proiektura batu ziren. Pertsonaia nagusi bi daude antzerkian, guztiz antagonikoak, Apolo eta Dionisia, batek arrazoia islatzen du, eta besteak gorputza. «Idatzi genuen momentuan ezkortasun puntu bat geneukan, egia esan, nahiz eta orain ikuspuntua aldatu dugun». Urgatz taldea eratzea ekimen artistikoak sortzeko aitzakia den galdetuta, Renteriak zera dio: «Gai ikusi gara musikaz gain beste lan batzuk egiteko. Gorputzak eskatzen diguna egin dugu». Hortik haratago doa Unai Arostegi: «Nik, pertsonalki, ez dut uste rock talde bat garenik. Kontzertuak formatu desberdin batean ematea planteatu izan genuen».
Azkeneko urte eta erdia ez da sormenagaz lotua izan, lan produktiboa izan da. Dena eskuz egin dugunez eta zerbait berezia nahi genuenez, lan handia burutu dugu»
Urgatz taldearen ‘Herio’ lana
Guri publikoagaz parez pare jotzea gustatzen zaigu, publikoa hurbil izanez eta aurpegira begiratzeko aukeragaz»Zuzenekoen gogoz Datozen zuzenekoei begira, hasiera batean kontzertuak bakarrik egingo ditu Urgatzek. Diskoa amaitu zutenean, antzerkiagaz batera bira bat egiteko as- moa izan zutela diote, «baina ustean bakarrik gelditu zen» asmo hori. Kontzertuak eskaintzeko, baina, badaukate arazo bat: taldeko laugarren kidea Madrilen (Espainia) ari da ikasten. Hala ere, Gabonetan entsegatu dugu, eta hilabete honetatik aurrera jotzen hasi nahi dugu. Lan nekeza izan da aurretik egindakoa, eta kantak egitea gustatzen bazaie ere, kantak jotzeko «beharrizana» daukate. «Guri publikoagaz parez pare jotzea gustatzen zaigu, publikoa hurbil izanez eta aurpegira begiratzeko aukeragaz», esan du Arostegik. Gehien gustatzen zaiena, izan ere, egiten dutena sentitzea da, publikoa gertu sentitzea. «Eszenatokian zaudenean foko bat izaten duzu aurpegian, eta askotan ez duzu jakiten jendea ongi pasatzen badabilen. Behegainean jotzea nahiago dugu nolabait». Zuzenekoak gertu dituztelarik, hemendik aurrera kantak egiten jarriko dute arreta.
