Yihad eta Siria. Kontatuko ez dizuten guztia izenburuarekin, hitzaldia emango du Gabirel Ezkurdia analista politikoak domekan, Kanalan. Gizarte Etxean izango da berbaldia, 12:00etan.
Ezkurdiak berak azaldu duenez, gai horrekiko ikuspegi kritikoa bultzatu gura du jendearengan. Kontatzen dituzten errealitateak ez dira oso argiak, haren ustetan. Hala, bere hausnarketaren eta ikuspuntuaren berri emango du domekan, argazki, eta irudiak lagunduta.
Azken hamarkadan burutu dituzten atentatuei buruz hainbat galderek erantzunik gabe jarraitzen dutela azaldu du Ezkurdiak; Bostonekoa, Pariskoak edota Madrilgo M-11koa aipatu ditu. «Datu asko isilduta daude, eta teoria konspiranoideak dira zabaltzen dituztenak», esan du.
Horren harira, atentatuen inguruko hausnarketak eta errefuxiatuen inguruko afera desberdindu beharko liratekeela esan du. «Siria eta Irakeko gerran beste aldagai batzuk daude; esaterako, estatu islamikoaren atzean nor dagoen. Nik uste dut nahiko argi dagoela horren atzean Israel eta AEBak daudela«. Dioenez, Israelen ez dute atentaturik egin, ezta juduen kontra ere; eta Estatu Islamikoaren sorreran gauza asko hartu behar direla kontuan. «Israelek orain urte asko azaltzen zuen zein izan behar zen eszenatokirik egokiena bere garapenerako: Irak, Siria eta Libia desestabilizatu behar zirela. Beraien artean apurketa estruktural bat sortu behar zela, Israelek bere garapenerako bidea izan zezan. Eta hori gertatu da, baina komunikabideei ez zaie interesatzen hori kontatzea».
Bere hausnarketak azaldu eta arrazoiruko ditu Ezkurdiak domekako berbaldian. Azken urteetako atentatuei buruz ere hitz egingo du; kontatu denaz eta kontatu ez denaz ariko da nazioarte gaietan adituak. «Charlie Hebdo-ren aurka egin zuten atentatuetan lekuko batek zioen erasotzaile batek begi urdinak zituela. Hala ere, hurrengo egunean hil zituzten ustezko erasotzaileak, eta magrebtarrak ziren. Beste lekuko batek esan zuen erasotzaile batek errusieraz hitz egin zuela». Ezkurdiaren iritziz, beste hainbeste detaile ere badira guztiz eztabaidagarriak direnak.
Bestalde, gertakarien atzean zer egon daitekeen ere azaldu gura du. «Hainbat gertakari izan dira argi uzten dutenak atzean beste zerbait badagoela. Adibidez, inboluzio politikoa ematea Europan. Krisiarekin gure eskubide sozialak murriztu dituzte, eta askatasunen inguruko hausnarketak ere murriztu nahi izatea leuke helburua. Nik uste hortik joan daitekeela».
Yihad eta Siria. Kontatuko ez dizuten guztia izenburuarekin, hitzaldia emango du Gabirel Ezkurdia analista politikoak domekan, Kanalan. Gizarte Etxean izango da berbaldia, 12:00etan.
Ezkurdiak berak azaldu duenez, gai horrekiko ikuspegi kritikoa bultzatu gura du jendearengan. Kontatzen dituzten errealitateak ez dira oso argiak, haren ustetan. Hala, bere hausnarketaren eta ikuspuntuaren berri emango du domekan, argazki, eta irudiak lagunduta.
Azken hamarkadan burutu dituzten atentatuei buruz hainbat galderek erantzunik gabe jarraitzen dutela azaldu du Ezkurdiak; Bostonekoa, Pariskoak edota Madrilgo M-11koa aipatu ditu. «Datu asko isilduta daude, eta teoria konspiranoideak dira zabaltzen dituztenak», esan du.
Horren harira, atentatuen inguruko hausnarketak eta errefuxiatuen inguruko afera desberdindu beharko liratekeela esan du. «Siria eta Irakeko gerran beste aldagai batzuk daude; esaterako, estatu islamikoaren atzean nor dagoen. Nik uste dut nahiko argi dagoela horren atzean Israel eta AEBak daudela«. Dioenez, Israelen ez dute atentaturik egin, ezta juduen kontra ere; eta Estatu Islamikoaren sorreran gauza asko hartu behar direla kontuan. «Israelek orain urte asko azaltzen zuen zein izan behar zen eszenatokirik egokiena bere garapenerako: Irak, Siria eta Libia desestabilizatu behar zirela. Beraien artean apurketa estruktural bat sortu behar zela, Israelek bere garapenerako bidea izan zezan. Eta hori gertatu da, baina komunikabideei ez zaie interesatzen hori kontatzea».
Bere hausnarketak azaldu eta arrazoiruko ditu Ezkurdiak domekako berbaldian. Azken urteetako atentatuei buruz ere hitz egingo du; kontatu denaz eta kontatu ez denaz ariko da nazioarte gaietan adituak. «Charlie Hebdo-ren aurka egin zuten atentatuetan lekuko batek zioen erasotzaile batek begi urdinak zituela. Hala ere, hurrengo egunean hil zituzten ustezko erasotzaileak, eta magrebtarrak ziren. Beste lekuko batek esan zuen erasotzaile batek errusieraz hitz egin zuela». Ezkurdiaren iritziz, beste hainbeste detaile ere badira guztiz eztabaidagarriak direnak.
Bestalde, gertakarien atzean zer egon daitekeen ere azaldu gura du. «Hainbat gertakari izan dira argi uzten dutenak atzean beste zerbait badagoela. Adibidez, inboluzio politikoa ematea Europan. Krisiarekin gure eskubide sozialak murriztu dituzte, eta askatasunen inguruko hausnarketak ere murriztu nahi izatea leuke helburua. Nik uste hortik joan daitekeela». 
