Mundakako plazatik harago
Eleder Aurtenetxe, Mundakako plazan, Mundakako Plazatik mezuak idazten
Elkartzeko lekua da, baita elkarrekin gauzak egiteko lekua ere».Ekainetik martxan Mundakako Plaza ez da blog bat, izenak berak iradokitzen duen bezala, plaza bat baita; eta herriko plazetan bezala, edozertaz berba egin daiteke, edozein momentutan: «Elkartzeko lekua da, baita elkarrekin gauzak egiteko lekua ere». Iritzi bat edo beste eduki, Mundakako Plazan denentzako lekua dago. Berba egin ez, eta gainontzekoek esaten dutena irakurri gura dutenentzako lekua ere badago. Euskaraz sortu badute ere, hizkuntza guztiak ondo etorriak direla adierazi dute: «Parte hartzaileen esku dago». Ahaztu barik, dena den, euskaraz sustatuko proiektua dela. Joan den ekainean abiarazi zuten proiektua, eta gutxika-gutxika lekua hartzen doa. Lanerako erabiltzen zuen Aurtenetxek horrelako gune bat, eta Mundakarako egokia izango litzatekeela pentsatuta martxan jarri zuen ideia: «Inguruko batzuekin komentatu nuen, eta ideia ona zela esan zidaten». Zerrenda bat osatu dute Mundakako Plazan. Zerrenda hori, baina, aldakorra da, «altak eta bajak daude». Horretako parte izan gura dutenek mundakako.plaza@gmail.com helbidera bidali behar dute mezu bat. Zerrendan egoteak ematen duen bereizgarri bakarra zerrendan idazteko aukera ematea da; hala ere, zerrendan ez dagoenak ere irakur ditzake mezuak, publikoa baita. Gehiago zabaltzeko lanetan ari dira orain, «ea gero eta gehiago eta hobeto erabiltzen dugun». Herriko eskolara, liburutegira eta elkarteengana ere jo gura dute, baita alderdi politikoengana eta Mundakako Udalarengana ere, eta horiekin bilerak egin, «euren informazioak zabaltzeko modua ere izan daitekeelako» Mundakako Plaza. Hori, baina, pausoz pauso egingo dute. Aurtenetxeren ustetan, «baliogarria izan daiteke horientzako guztientzako; esaterako, ikastaroak edota erakusketak antolatzerako orduan hortik iragarri ditzaketelako. Kalean, informazio asko ahoz aho ibiltzen da, eta, agian, batzuek ez dute premiarik ikusten; baina, nire ustez, baliogarria izan daiteke tresna, ondo erabiliz gero». Zuzentasuna erabiltzea Mezuen jarioa aldakorra da boladaka eta gaien arabera. «Ikasten ari gara zer izan behar den eta nola egin ahal dugun», diote. Mundakako Plazak zer asmo duen eta nola erabili ahal dugun azaltzeko beharra agertu da, eta horretan dabiltza: «Ea jendea animatzen den gauzak elkarbanatzera». Hori bai, erabiltzaileak «zuzenak» izan daitezen gura dute; hau da, ezizenak erabili barik helaraztea mezuak. Ezizenek «nahasmena» sortu ahal dute, «eta Mundakako Plaza ez da horretarako» gunea.
Nire ustez, baliogarria izan daiteke tresna, ondo erabiliz gero»Erabiltzen hasteak erakutsi dizkie sustatzaile eta erabiltzaileei posta-zerrendak izan ditzakeen zailtasunak. Bidean ikasitakoen ondorioz, Mundakako Plaza hobeto erabiltzeko, Mundakako plaza. Zer eta zelan? agiritxoa idatzi dute eta http://ttiki.com/342079 loturan jarri dute Interneten, sustatzaileek uste baitute «antzeko komunitate eta herri askorentzat baliogarria» izan daitekeela euren esperientzia. Zer eta nola idatzi erabiltzaile bakoitzaren ardura bada ere, errespetua ere eskatzen dute: «Saiatu behar gara berbak ondo aukeratzen, argi berba eginda». Gatazkak eta iritzi kontrajarriak egotea «normala da», eta, gainera, hori «osasungarria eta hazteko balio» duela diote sortzaileek. Elkarrizketa kulturan sakondu gura dutela diote. Jendea animatu gura dute parte hartzera, «edozein ideia botatzeko aukera dagoelako». Parte hartzera ez bada ere, probatzeko deia egiten diete, «zertarako balio duen jakin dezaten». Zerrenda publikoa denez, orain arte idatzitakoa edozeinek ikus dezake, honako laburdura honetan: http://ttiki.com/342079. Mundakako Udalera iristeko modua ere izan daiteke. Aurtenetxeren ustez, «udalak ere modu aktiboan parte hartu beharko luke, egiten dituen gauzak iragartzeko eta gardenagoa izateko. Zenbat eta jende gehiagok erabili, udalarengan indar handiagoa edukiko luke. Herritarren ardurak ezagutzeko modua izan ahal da, eta baita polemikoak diren gaiak ezagutzeko modua ere. Mundakako alkateak behin erabili izan du Mundakako Plaza mezu bati erantzuna emateko, «eta, normala denez, begira ere egoten dira». Mundakan 2.000 lagun inguru bizi dira, eta «abantaila hori dugunez, askoz hurbilagoa» izan zitekeen udalarekiko harremana. Horregatik, Mundakako Plazaren bidez, bide hori erraztu daitekeela uste du Eleder Aurtenetxek.
