50 bat partaide izan dira Mundakako 2. Duatloian

Aintzina Monasterio

2015/11/23

12243393_147737978916600_7871574860970003009_n

Argazkia: Mundakako Arraun taldea

Mundakako arraun taldeak antolatuta, herenegun goizean lehiatu zuten ume, kimu, kadete, gazte eta senior mailetan. Guztira 48 kirolarik hartu zuten parte, horietatik dozena bat emakume zeuden. Umeek ergometroagaz 500 metro, eta bi buelta korrika egin zituzten. Kadete mailako partaideek ergometroagaz 750 metro eta beste bi buelta korrika egin zituzten. Gazte eta senior mailakoetan, berriz, gizonezkoek ergometroagaz 1.500 metro, eta hiru buelta korrika egin zituzten, eta emakumezkoek, ergometroagaz 1.000 metro eta hiru buelta. Umeetan, Eneko Ormaetxea eta Garoa Morales izan ziren garaileak. Ormaetxeak lau minutu eta 39 segundotan amaitu zuen duatloia, eta Moralesek, ostera, lau minutu eta 54 segundotan.

Argazkia: Mundakako Arraun taldea.

Kimuetan eta gazteetan mutilek bakarrik hartu zuten parte, eta Pello Mugira izan zen denetan azkarrena kimuetan, lau minutu eta bi segunduko denboragaz. Gazteen kategorian, berriz, Markel nagusitu zen, hamabi minutu eta 30 segundoko markagaz. Kadete mailan, Iker Portuk eta Ane Fraduak irabazi zuten. Portuk sei minutu eta hambost segundutan amaitu zuen proba, eta Fraduak zortzi minutu eta hamahiru segundutan. Seniro mailari dagokionez, Vickyk eta Jon Telletxeak lortu zituzten denborarik onenak. Vickyk hamar minutu eta 52 segundutan amaitu zuen dualoia, eta Telletxeak 11 minutu eta 49 segundutan bukatu zuen. Antolatzaileek partaide guztiak zoriontzeagaz batera, eskerrak eman dizkie parte hartu dutenei, ikustera hurbildu zirenei eta antolakuntza lanetan laguntzen aritu ziren guztiei. Datorren urtean berriro ere parte hartzera animatzeagaz batera, esperientzia gehiagorekin akatsak hobetzen saiatuko direla adierazi dute.

Argazkia: Mundakako Arraun taldea.