Liburutegiaren Egunagaz bat egingo dute Busturian eta Gernika-Lumon
Aurrekoetan bezala, aurten ere, Liburutegiaren Egunagaz bat egin, eta hainbat ekintza egingo dituzte egun horri begira Busturian eta Gernika-Lumoko liburutegietan.
Bihar ospatuko da egun hori, baina ekintza danak ez dira egun horretan egingo. Gernika-Lumoren kasuan, biharko eguna aprobetxatuko dute, liburutegira doazenei liburuak oparitzeko.
Busturian, aldiz, izango da zegaz gozatu bihar; izan ere, antzerkia izango dute aukeran lau urtetik gorako umeek.
Egitaraua, herriz herri
Busturia
Urriak 23, gaur. 10:00etatik aurrera, eskolako umeak liburutegira joango dira, bertako karnetak egitera.
Urriak 24, bihar. 19:00etan, antzerkia euskaraz: Tormesko Lazaro Txikia. Altamirako kultur etxean.
Gernika-Lumo
Urriak 24, bihar. Liburuak oparituko dizkiete liburutegira doazenei. Berrerabilitako liburuak izango dira: liburutegian errepikatuta daudenak edota jendeak liburutegiari oparitu dizkionak.
