Perezek eta Canok irabazi dute Gernikako Rallya

26 autok amaitu dute proba; Arana eta Kobeaga bigarren sailkatu dira

2015/10/12

Gernikako rallya

Durangaldeko Mario Perez eta Mikel Cano izan dira onenak Gernika-Lumoko Rallyan. Renault Clio Sportarekin lehiatu dira, eta 57.46.500 denborarekin amaitu dute lasterketa. Gernika Racing Taldeko Ander Arana eta Arkaitz Kobeaga ereñarrak bigarren sailkatu dira, 57.53.841 denbora eginez. Hirugarren, 58.22.320 denboragaz, Escuderia Hamaikako Aitor Saizar eta Gorka Aginaga heldu ziren. 55 auto onartu zituzten epaileek XXII. rallyan parte hartzeko, eta 26k amaitu zuten lasterketa. Beste horrenbeste izan ziren, arazoak arazo, proba utzi behar izan zutenak; tartean, iaz irabazle izan ziren Ander Learreta eta Ivan Muñoz gernikarrak.