Asier Arego da Elantxobe arraun elkarteko entrenatzaile berria
Barikuan jakinarazi zuen Elantxobe arraun elkarteak entrenatzailearen eta taldearen arteko akordioa: “Asier Arego izango da aurrerantzean Elantxobe Arraun Elkarteko seniorren entrenatzailea. Egunetan berbetan egon eta gero gaur–barikuan– egin dugu ofizial albistea”.
Aitor Altzibar orain arte entrenatzaile izandakoak karguan ez jarraitzea erabaki ostean lortu dute akordioa Aregogaz. Elantxobe Arraun elkarteko arduradunen berbetan, Altzibarren erabakia “errespetuz” jaso dute, eta arraun elkartetik hark egindako lan guztia eskertu dute. “Eskerrak eman gura dizkiogu Aitorri, azkenengo bost urte honetan egindako lanagatik eta etorkizunean ere gure taldeko ateak beti zabalik izango dituzula jakin bakadizu”. Halaber, zorterik onena opa die haren proiektu berrietan.
Elkartetik esan dutenez, azken urteetan “zorte handia” izan dute entrenatzaileekin: “Irkus, Fernando eta Aitor, hirurei eskerrik asko”.
