«Muturreko isolamenduan» daukate berriro Arantza Zulueta E.M.U.
Arantza Zulueta Puerto III espetxean dago berriz, Euskal Herritik 1.100 kilometrora. Ekainaren 6an atera zuten Madrilgo (Espainia) Estremera kartzelatik, eta berriz ere Cadizeko (Andaluzia, Espainia) Puerto IIIra eraman dute. Kartzela horretan, «gizon...
Arantza Zulueta Puerto III espetxean dago berriz, Euskal Herritik 1.100 kilometrora. Ekainaren 6an atera zuten Madrilgo (Espainia) Estremera kartzelatik, eta berriz ere Cadizeko (Andaluzia, Espainia) Puerto IIIra eraman dute. Kartzela horretan, «gizonezkoen modulu batean dagoen emakume bakarra» dela salatu eta gogora ekarri dute Arantza Zuluetaren Lekeitioko lagunek bere egoeraz kezkatuta.
Arantza Zuluetak Puerto IIIan egon zenean pairatu zuen muturreko egoera salatu zuten haren senide eta lagunek behin eta berriz, eta egoera berera bueltatu da, berriro ere, abokatua. «Guztiz bakarturik dago, eta ezin du egun osoan inor ikusi. Ziegatik ateratzeko miaketa zorrotza pairatzen du, bere ziega egunero miatzen diote, eta patioan guztiz bakarrik dago», nabarmendu dute Zuluetaren lagunek.
Aurrez aurreko bisitak eta mintzalekukoak egiteko arazoak dituela eta bisitak egiteko oztopoak jartzen dizkiotela ere aitatu dute Arantza Zuluetaren lagunek. «Hilean aurrez aurreko bisita bi ditu, eta hamar laguneko zerrenda dauka». Euskal Herritik horren urrun egoteak familiagaz harremanetan egotea eragozten dio. Izan ere, Zuluetaren lagunek jakitera eman dutenez, gurasoak adinekoak dira, eta aita gaixorik dago. «Beraz, Cadizeraino joatea ezinezkoa dute».
Isolamenduan hasieratik
Arantza Zulueta 2014ko urtarrilaren 8an atxilotu zuten EPPK-ko (Euskal Preso Politikoen Kolektiboa) bitartekaritza taldearen kontra eginiko polizia operazio batean. Lekeition zeukan etxea ere miatu zuten orduan. Geroztik isolamendu egoeran egon zen, eta martxoan, Estremerako espetxetik Puerto IIIra urrundu zuten. Deklaratzeko ordua uztailaren 23rako jarri zion epaileak, eta ordutik Estremeran egon da, berriz ere lekuz aldatu dutenerarte.
Arantza Zuluetak Puerto IIIan egon zenean pairatu zuen muturreko egoera salatu zuten haren senide eta lagunek behin eta berriz, eta egoera berera bueltatu da, berriro ere, abokatua. «Guztiz bakarturik dago, eta ezin du egun osoan inor ikusi. Ziegatik ateratzeko miaketa zorrotza pairatzen du, bere ziega egunero miatzen diote, eta patioan guztiz bakarrik dago», nabarmendu dute Zuluetaren lagunek.
Aurrez aurreko bisitak eta mintzalekukoak egiteko arazoak dituela eta bisitak egiteko oztopoak jartzen dizkiotela ere aitatu dute Arantza Zuluetaren lagunek. «Hilean aurrez aurreko bisita bi ditu, eta hamar laguneko zerrenda dauka». Euskal Herritik horren urrun egoteak familiagaz harremanetan egotea eragozten dio. Izan ere, Zuluetaren lagunek jakitera eman dutenez, gurasoak adinekoak dira, eta aita gaixorik dago. «Beraz, Cadizeraino joatea ezinezkoa dute».
Isolamenduan hasieratik
Arantza Zulueta 2014ko urtarrilaren 8an atxilotu zuten EPPK-ko (Euskal Preso Politikoen Kolektiboa) bitartekaritza taldearen kontra eginiko polizia operazio batean. Lekeition zeukan etxea ere miatu zuten orduan. Geroztik isolamendu egoeran egon zen, eta martxoan, Estremerako espetxetik Puerto IIIra urrundu zuten. Deklaratzeko ordua uztailaren 23rako jarri zion epaileak, eta ordutik Estremeran egon da, berriz ere lekuz aldatu dutenerarte.
