Gunter Pauli: «Mundu mailan lehiatzeko negozio eredu berritzaileak behar dira»
Esperantza eraikineko areto nagusia bete egin da ekonomialaria entzuteko. Bi urte daramatza Azaro Fundazioak ekonomia urdinak Lea-Artibain izan dezakeen aplikazioa aztertzenGunter Pauli Ekonomia Urdinaren aita egon zen atzo, Markina-Xemeinen, Azaro Fun...
Esperantza eraikineko areto nagusia bete egin da ekonomialaria entzuteko. Bi urte daramatza Azaro Fundazioak ekonomia urdinak Lea-Artibain izan dezakeen aplikazioa aztertzen
Gunter Pauli Ekonomia Urdinaren aita egon zen atzo, Markina-Xemeinen, Azaro Fundazioak gonbidatuta, Emprender en Blue Economy izenpean egin zen jardunaldian. Mundu mailan lehi- atzeko gastuak gutxitu behar direla azpimarratu zuen, eta berrikuntza dela horretarako bidea. «Baina ez berrikuntza teknologikoa, negozio eredu berritzaileak dira bilatu behar direnak, momentuan dugunarekin balio erantsiak».Ehun sozioekonomikoaren erabateko eraldaketara bideratzera animatu zuen entzulegoa, berrindustrializaziora, dutenagaz balio erantsiak sortzera, erosketa boterea hobetzera eta tokiko ekonomian diruaren abiadura handitzera.
Teoria hori indartzeko, kasu errealak ekarri zituen mahai gainera Paulik. Bere ibilbidean martxan jarri dituen proiektu «arrakastatsu bezain zoro, iraultzaile eta eraldatzaileak»: sarerik gabeko arrantza, burbuilak sortzen dituen itsasontzi berritzaile baten bitartez; ahuakate haziekin egindako ogi osasungarria saltzen duten okindegiak Hegoafrikan, elektrizitate arazoak direla eta eguzki panelekin hornitzen dituztenak; Bangkok-eko luxuzko hotel baten sabaian landatutako spirulina algekin egiten diren xaboi, smoothie irabiakiak edo spaguettiak; Berlinen, haurren pixoihal biodegradagarrietatik fruitu-arbolak landatzeko aproposa den lurra lortzea…
Larruz proiektua
Markina-Xemeingo Larruz gaztandegiagaz garatu duten proi- ektuaren berri ere eman zuen: ahuntz gazta bat egiteko 10 litro esne behar dituzten bitartean, izozkiak egiteko negozioa dibertsifikatu eta esne litro bakarragaz 5 edo 6 litro izozki egin ditzazkete. «Landa inguruak eraldaketa behar du. Turistak eraka- rri behar dira landa-ekonomia ezagutu dezaten. Hiriguneetan aldaketarako prestutasunik ez dago, baina kanpoaldean, alderantziz gertatzen da», azpimarratu du.
Azkenik, Gunter Paulik Ekonomia Urdinaren aldeko apustua berretsi du: «Enplegua sortzen duen ekonomia bat da hau, lehiatzeko aukerak ematen dituena, natura eta kultura kontutan hartzen dituena». Gainera, Azaro Fundazioari eskerrak eman nahi izan dizkio, Ekonomia Urdinaren aldeko apustua egiteagatik.
«Zuek euskaldunek, lur emankor eta aberatsa duzue, mesedez, ez ezazue pinu gehiago landatu», eskatu zuen Paulik hitzaldian.
Bi urteko elkarlana
Ia bi urte daramatza Azaro Fundazioak, Gunter Pauligaz batera, Ekonomia Urdinak Lea-Artibai eskualdean izan dezakeen aplikazioa aztertzen, eta gaur egun, mota horretako lau proiektu garatzen ari da eskualdeko enpresekin.
Ainara Basurko Azaro Fundazio eta Leartibai Garapen Agentziako zuzendariak eman zion hasiera jardunaldiari. Ekonomia Urdinean inspiratutako Blue Lab egitasmoa aurkeztu zuen Basurkok, tokiko ekonomia eta enpresa ehuna indartzea helburu duen egitasmoa, «jarduera ekonomiko berriak sortzeko dinamika ekonomikoki bideragarriak eta ingurumen aldetik jasangarriak diren jarduerak eta lanpostu berriak sortzera bideratuta daudenak».
Jende asko batu zen atzo goizean. Esperantza eraikineko areto nagusia txiki gelditu zen Gunter Pauli entzuteko.
