Maietz Pazku jaiak ospatuko dituzte asteburuan Sukarrietan
sukalkia Sukarrietan
Urtero legez, egitarau xumea prestatu dute Sukarrietan asteburuan Maietz Pazku jaiak ospatzeko. Zapatuan, 10:00etan emango diote hasiera jaiei txupinarekin eta iluntzera arte jai giroan izango dira sukarrietarrak. Besteren artean, sardina jana, mus txapelketa eta txokolate jana egingo dituzte jaietako lehen egunean. Sukalkia ere ez da falta izango zapatuan. Aurtengoa XXXVI. sukalki txapelketa dute eta bost sari banatuko dituzte. Sukalkian parte hartu gura duten horiei jakinarazi gura die debekatuta dagoela sua egitea, barbakoa ala butanoa erabili beharko dute.
Egitaraua
Zapatua
- 10:00: jaiei hasiera emateko txupina eta sukalki txapelketarako izen-ematea.
- 11:00: haurrentzako parkea.
- 11:30: sardina-jana.
- 14:00: sukalkian parte hartzen duten kazolen aurkezpena.
- 14:30: sukalkiko sari banaketa ekitaldia.
- 17:00: mus txapelketa.
- 19:30: haurrentzako txokolatada.
- 12:30: meza nagusia, mundakako abesbatzaren emanaldiarekin.
