Koalizioa "pertsonekin arduratzen diren pertsonen eredua" dela esan zuen atzo Rementeriak
Gorroño, atzoko mitinean
Gernika-Lumoko mitinean parte hartu zuen EAJk ahaldun nagusirako aurkeztu duen hautagaiak. Urdaibaiko hiribilduan, “bere etxean” dela esan zuen mundakarrak, eta askatasunen era bakearen sinboloa den herrian, bonbardaketa izan zuen gogoan. “Ezinezko egiten zait gure amuma eta aititek sufritu zutena ez irudikatzea”. Gernikak errautsettik birsortzeko kemena izan duela aipatu zuen, eta gaur egun ere horretarako ahalmena izango duela aipatu zuen, ekonomiari aipamen eginez. “Hitza ematen dizuet Gernikara eta Bizkaia osora jarduera ekonomikoa eta enplegua ekartzeko ahalegina egingo dudala, eta oinarrizkoetatik hasi gara. gure indarrak batzea izan da lehen urratsa. Horregatik, Jose Mari Gorroño eta EAJ elkarrekin goaz, elkarrekin indartsuago garelako”.
Sare industriala suspertu nahi duela esan zuen atzoko mitinean; “hau ez da esperimentuetan aritzeko momentua. Txarto dagoena hobeto egotea bilatzeko konpromisoa hartzen dugu”.
Ez da esperimentuetan aritzeko unea”
Unai Rementeria
Gorroñok ere ekonomia izan zuen hizpide, eta hurrengo lau urteak garrantzitsuak izango direla esan zuen. “Pertsonak, eta herri hau, gauza guztien gainetik daude. Horregatik sortu da Euzko Abertzaleak eta EAJren arteko koalizioa”. Lehenengo helburua herria biziaraztea dela esan zuen alkategaiak, indarrak batuz. “Trena martxan jarri behar dugu, ekonomia suspertzeko eta enplegua sortzeko”, esan zuen.
Trena martxan jarri behar dugu, ekonomia suspertzeko eta enplegua sortzeko”
Andoni Ortuzar
Euzkadi Buru Batzarreko presidente Andoni Ortuzarrek ere parte hartu zuen Gernika-Lumoko Foru plazako ekitaldian. Berak ere koalizioaren garrantzia azpimarratu zuen: “Gernika-Lumorentzat ona da, baita Bizkaiarentzat eta Euskadirentzat ere”. Ortuzarren arabera, “Gernikak izan behar du herri honentzat nahi dugunaren islada”. Gorroñok bultzatutako zerrendaren eta EAJren batasuna positibotzat jo zuen: “Eraginkorragoak izango gara, eta Gernikak distira egitea lortuko dugu”.
