Kondor legioaren iraganari eta orainari buruz ariko dira bihar

2015/04/22

Condor legioaren hegazkin bat

Kondor legioaren iragana eta oraina izango dute berbagai bihar, Astran, 19:00etatik aurrera. Gernika bonbardatu zutela 78 urte beteko dira domekan, eta urteurren horren harira antolatu du hitzaldia Gernika Batzordeak. Gainera, dokumental bat ere proiektatuko dute . Hala ere, ez da Gernika Batzordeak egunotarako antolatu duen ekitaldi bakarra. Zine klubarekin batera, bi film emango dituzte; bihar emango dute bat, eta etzi bestea. Hain zuzen, Hunger izeneko pelikula iuzango da bihar ikusgai, Lizeo Antzokian, 20:30etik aurrera. Barikuan, berriz, Omar pelikula proiektatuko dute, leku eta ordu berean. Domekarako ere bi ekimen deitu ditu Gernika Batzordeak. Hain zuzen, 4 minutu ekimenean eta kandelen manifestazio isilean parte hartzeko deia egin die herritarrei.