Familientzako tailer bat hartuko du Bermeoko Arrantzaleen Museoak zapatuan
Itsasontziak izeneko tailerra antolatu du Bermeoko Arrantzaleen Museoak zapaturako. Familientzako tailerra dela azaldu dute antolatzaileek eta bi ordukoa izango da; 17:00etatik 19:00etara.
Jakinarazi dutenez, lehenik eta behin, Arrantzaleen Museoko geletan zehar bisita gidatu bat egingo dute parte hartzaileek. Bisita horretan arrantzarako itsasontzi mota ezberdinak ezagutzeko aukera izango dute bertaratutakoek. Ondoren, umeek, euren arduradunekaz batera, itsasontziak egingo dituzte, eta egindako ontziekin joko bat egingo dute amaieran.
Lau urtetik gorako umeek parte hartu ahalko dute zapatuko tailerrean, beti ere, arduradun bategaz. Lekuak mugatuak direnez, ezinbestekoa izangoa da aldez aurretik izena ematea, 94-688 11 71 telefono zenbakira deituta.
