Urriaren 31 izango da lanak aurkezteko azken eguna. Emakumeen aurkako indarkeriaren kontrako sormen-lanik onenak saritzea du helburu Emakundek, Eusko Jaurlaritzak, hiru foru aldundiek eta EUDELek antolatzen duten lehiaketak, eta, Gernika-Lumok maila lokalean ere antolatzea erabaki du aurten berriro, Berdintasunerako udal zerbitzuaren bitartez. Beraz, Gernika-Lumoko gazteek Araba, Bizkai eta Gipuzkoa mailan antolatu duten lehiaketan zein herri lehiaketan parte har dezakete. Lehenengoan parte hartzeko
jarrera@beldurbarik.org helbidera bidali behar dira lanak. Bigarrenean parte hartzeko, berriz, honakora:
berdintasuna@gernika-lumo.net.
12 eta 26 urte bitarteko gazteek parte har dezakete, bakarka, taldeka edo ikasgela zein ikastetxe baten izenean. lanok ikus-entzunezkoak izan beharko dute (bideoa, argazkiak, musika…), eta edozein arte-diziplina islatu dezakete (dantza, margolaritza, performancea, antzerkia…).
Sariak
Herrialdeetako lehiaketan 1.000 euroko sari nagusia emango dute; eta 250 eurokoa Gernika-Lumoko lehiaketako irabazleari. Era berean, publikoaren sari bakarra ere emango dute, 300 eurokoa.
Tokiko lehiaketa bultzatu asmoz, Beldur Barik 2014-Gernika-Lumo ekimenak tailerrak emango ditu, parte hartzea sustatzeko. Hain zuzen, sakeleko telefonoarekin film laburrak nola egin irakatsiko dute urriaren 30ean eta azaroaren 6an, Astran.
Urriaren 31 izango da lanak aurkezteko azken eguna. Emakumeen aurkako indarkeriaren kontrako sormen-lanik onenak saritzea du helburu Emakundek, Eusko Jaurlaritzak, hiru foru aldundiek eta EUDELek antolatzen duten lehiaketak, eta, Gernika-Lumok maila lokalean ere antolatzea erabaki du aurten berriro, Berdintasunerako udal zerbitzuaren bitartez. Beraz, Gernika-Lumoko gazteek Araba, Bizkai eta Gipuzkoa mailan antolatu duten lehiaketan zein herri lehiaketan parte har dezakete. Lehenengoan parte hartzeko jarrera@beldurbarik.org helbidera bidali behar dira lanak. Bigarrenean parte hartzeko, berriz, honakora: berdintasuna@gernika-lumo.net.
12 eta 26 urte bitarteko gazteek parte har dezakete, bakarka, taldeka edo ikasgela zein ikastetxe baten izenean. lanok ikus-entzunezkoak izan beharko dute (bideoa, argazkiak, musika…), eta edozein arte-diziplina islatu dezakete (dantza, margolaritza, performancea, antzerkia…).
Sariak
Herrialdeetako lehiaketan 1.000 euroko sari nagusia emango dute; eta 250 eurokoa Gernika-Lumoko lehiaketako irabazleari. Era berean, publikoaren sari bakarra ere emango dute, 300 eurokoa.
Tokiko lehiaketa bultzatu asmoz, Beldur Barik 2014-Gernika-Lumo ekimenak tailerrak emango ditu, parte hartzea sustatzeko. Hain zuzen, sakeleko telefonoarekin film laburrak nola egin irakatsiko dute urriaren 30ean eta azaroaren 6an, Astran.
