Gure helburua mailari eustea eta Ohorezko Mailan harrobiko jokalarien presentzia handitzea da». Gernika Rugbi Taldeko kirol zuzendari Joseba Olaetak argi du klubaren erronkak zeintzuk diren. Hurrengo domekan –hilaren 14an– hasiko da liga Ohorezko Mailan, eta basurdeek Vigoren kontra neurtuko dituzte indarrak.
Iazko taldea izango da Urbietako zelaian jokoa gidatuko duen motorra. Jokalari berriak ditu Gernikako klubak, bi oraingoz. Era berean, iaz ekarritako zenbait jokalari profesionalei ere eutsi die klubak; hala, Gernikarekin jokatuko dute aurten ere Federico Casteglioni argentinarrak, Erresuma Batuko Mathew Fouldsek, Mua Sala samoarrak edota Unai Lasa donostiarrak. Dena den, taldea indartu behar dutela esan du Olaetak, aurrealdea eta atzekaldea, batez ere. Horretarako, eskumako pilierraren posturako jokalariren bat fitxatu nahiko luke klubak aurrekalderako, baita joko-zabaltzaile eta erdilari postuetarako jokalari bana. Martin Souville argentinarra eskuratu du, oraingoz, Gernika Rugby Taldeak. 21 urteko jokalari argentinarra da, eta Gernikara erdilari postuan jokatzeko datorren arren, ezin hobeto konpon daiteke full-back moduan zein hegal bietan. Argentinako Bahia Blanca klubean trebatu den jokalaria da Souville, baina 2013/14 denboraldia Zeelanda Berriko Southbridge Rugby Clubean eman du.
Bestalde, azken astean, orain arte Donostiako Bera-Bera taldeko erdilari izan den Koldo Barandiaran ere gehitu da basurdeen plantilara.
Liga ondo hasi gura dute
Denboraldiaurrea laburra egin dute basurdeek –partida bakarra jokatu dute oraingoz, Getxoren aurka–; hurrengo asteburuan izango dute lehen froga, eta aurrea eta atzea nahi beste indartu barik egingo dute jauzi Urbietako zelaira. Hala ere, itxaropentsu da kirol zuzendaria. Liga hasieran sendotasunaren itxura ematea garrantzitsua dela dio Olaetak, baita etxean joko ona erakustea ere. “Jokalari onak ditugu Vigori aurre egiteko; beraz, lasai gaude, eta denboraldia patxadaz hasteko moduan garela uste dut”.
Iaz azaroan egin zituzten bi fitxaketa. “Alde horretatik, aurten biziago ibili garela esan genezake”, eta behar dituzten fitxaketak laster zarratzea espero du klubak. “Bideoak, curriculumak… aztertzen gabiltza, eta zenbait jokalariri gure interesa agertu diegu. Dena den, ez dakigu oraindik taldera nortzuk ekarriko ditugun, diru kontuek fitxaketak egiterakoan zeresan handia izaten dute eta”.
Entrenatzaile berria
Jokalariei dagokienez bakarrik ez, gidaritzan ere aldaketak dakartza Gernika RugbyTaldeak. Hala, Zeelanda Berriko Peter Borlaseren lekuan Oscar Astarloa elorriotarra izango da aurten. Eskarmentu handiko jokalaria da, eta denboraldi honetan estreinatuko da entrenatzaile gisa. “Itxaropentsu gaude” –dio Olaetak– “eta taldea ondo gidatzeko gai izango dela uste dugu. Jokalariak ezagutzen ditu, gainera, eta elkarren arteko konfiantza puntua lortu duela dirudi”.
1993. urtean debutatu zuen gorengo mailan, Getxo Rugby Taldearekin. Gero, Frantziako Ligara egin zuen salto, Ipar Euskal Herriko Donibane Lohitzune eta Aviron Bayonnaise taldeetako jolakari gisa. Hego Euskal Herrian, Ordizia, Bera-Bera eta Gernika taldeetako jokalaria izan da. Eta jokalari fitxa mantenduko du aurten ere. “Berez, entrenatzaile lanak egingo ditu, baina posible da partiduren bat edo beste ere jokatzea”, dio Olaetak.
Gernika R.T.-ko jokalari ohi Kemen Goitiandia izango du ondoan laguntzen. Gernika Rugby Taldearen bigarren entrenatzailea izango da zornotzarra denboraldi honetan. Preparatzaile fisikoaren lanak Eduardo Lekunberrik egingo ditu, Asier Lauzirika delegatua izango da eta Joseba Olaeta bera kirol zuzendaria. Horiek osatuko dute talde teknikoa.
Euskal Liga
Ohorezko Mailako talde guztiak aurkari dituztela dio Olaetak, baina, batez ere, lau talde ikusten ditu taularen gorengo postuetan. «Valladolid R.A.C.-ek dirua du, eta ondo ibiliko da aurten ere; C.R. El Salvadorrek harrobi ona dauka; U.E. Santboiana eta C.R. Cisneros ere ondo ibiliko direla uste dut. Ohorezko Mailara igo berri den F.C. Barcelona da berritasuna, eta ez dakigu zer nolako taldea duen”.
Dena den, maila mantentzeaz gain, sailkapen orokorrean iaz baino hobeto ibiltzeko erronka dute basurdeek.
Lehenego taldean indarrak jarriko dituzte aurten, baina berreskuratu duten bigarren taldearengan ere itxaropenak ditu klubak. Euskal Ligara bueltatuko da Gernika Rugby Taldea, eta ekipo ona dakar, Olaetaren iritziz: “Jokalari onak ditu taldeak, eta jubenil mailako zenbait jokalarik ere bigarren talde horrekin jokatuko dute”.
Bere esanetan, hor dago etorkizuna. “Taldean etxekoak diren gero eta jokalari gehiago izatea da helburua, harrobi sendoa sortu eta fitxaketa gutxiago egin”. Zentzu horretan, entrenatzaileak trebatuko ditu klubak, formakuntza eskainiz.
500 bazkide baino gehiago ditu Gernika Rugby Taldeak gaur egun, baina kopuru hori handitu gura dute klubeko arduradunek. Hala, bazkidetza egiteko deia egin dute. Urteko kuota 60 eurokoa da, eta tribunan lekua gordeta izan nahi duenarentzat 120 eurokoa. Basurde tabernan eta klubaren webgunean (www.gernikarugby.com) egin daiteke bazkidetza.
Gure helburua mailari eustea eta Ohorezko Mailan harrobiko jokalarien presentzia handitzea da». Gernika Rugbi Taldeko kirol zuzendari Joseba Olaetak argi du klubaren erronkak zeintzuk diren. Hurrengo domekan –hilaren 14an– hasiko da liga Ohorezko Mailan, eta basurdeek Vigoren kontra neurtuko dituzte indarrak.
Iazko taldea izango da Urbietako zelaian jokoa gidatuko duen motorra. Jokalari berriak ditu Gernikako klubak, bi oraingoz. Era berean, iaz ekarritako zenbait jokalari profesionalei ere eutsi die klubak; hala, Gernikarekin jokatuko dute aurten ere Federico Casteglioni argentinarrak, Erresuma Batuko Mathew Fouldsek, Mua Sala samoarrak edota Unai Lasa donostiarrak. Dena den, taldea indartu behar dutela esan du Olaetak, aurrealdea eta atzekaldea, batez ere. Horretarako, eskumako pilierraren posturako jokalariren bat fitxatu nahiko luke klubak aurrekalderako, baita joko-zabaltzaile eta erdilari postuetarako jokalari bana. Martin Souville argentinarra eskuratu du, oraingoz, Gernika Rugby Taldeak. 21 urteko jokalari argentinarra da, eta Gernikara erdilari postuan jokatzeko datorren arren, ezin hobeto konpon daiteke full-back moduan zein hegal bietan. Argentinako Bahia Blanca klubean trebatu den jokalaria da Souville, baina 2013/14 denboraldia Zeelanda Berriko Southbridge Rugby Clubean eman du.
Bestalde, azken astean, orain arte Donostiako Bera-Bera taldeko erdilari izan den Koldo Barandiaran ere gehitu da basurdeen plantilara.
Liga ondo hasi gura dute
Denboraldiaurrea laburra egin dute basurdeek –partida bakarra jokatu dute oraingoz, Getxoren aurka–; hurrengo asteburuan izango dute lehen froga, eta aurrea eta atzea nahi beste indartu barik egingo dute jauzi Urbietako zelaira. Hala ere, itxaropentsu da kirol zuzendaria. Liga hasieran sendotasunaren itxura ematea garrantzitsua dela dio Olaetak, baita etxean joko ona erakustea ere. “Jokalari onak ditugu Vigori aurre egiteko; beraz, lasai gaude, eta denboraldia patxadaz hasteko moduan garela uste dut”.
Iaz azaroan egin zituzten bi fitxaketa. “Alde horretatik, aurten biziago ibili garela esan genezake”, eta behar dituzten fitxaketak laster zarratzea espero du klubak. “Bideoak, curriculumak… aztertzen gabiltza, eta zenbait jokalariri gure interesa agertu diegu. Dena den, ez dakigu oraindik taldera nortzuk ekarriko ditugun, diru kontuek fitxaketak egiterakoan zeresan handia izaten dute eta”.
Entrenatzaile berria
Jokalariei dagokienez bakarrik ez, gidaritzan ere aldaketak dakartza Gernika RugbyTaldeak. Hala, Zeelanda Berriko Peter Borlaseren lekuan Oscar Astarloa elorriotarra izango da aurten. Eskarmentu handiko jokalaria da, eta denboraldi honetan estreinatuko da entrenatzaile gisa. “Itxaropentsu gaude” –dio Olaetak– “eta taldea ondo gidatzeko gai izango dela uste dugu. Jokalariak ezagutzen ditu, gainera, eta elkarren arteko konfiantza puntua lortu duela dirudi”.
1993. urtean debutatu zuen gorengo mailan, Getxo Rugby Taldearekin. Gero, Frantziako Ligara egin zuen salto, Ipar Euskal Herriko Donibane Lohitzune eta Aviron Bayonnaise taldeetako jolakari gisa. Hego Euskal Herrian, Ordizia, Bera-Bera eta Gernika taldeetako jokalaria izan da. Eta jokalari fitxa mantenduko du aurten ere. “Berez, entrenatzaile lanak egingo ditu, baina posible da partiduren bat edo beste ere jokatzea”, dio Olaetak.
Gernika R.T.-ko jokalari ohi Kemen Goitiandia izango du ondoan laguntzen. Gernika Rugby Taldearen bigarren entrenatzailea izango da zornotzarra denboraldi honetan. Preparatzaile fisikoaren lanak Eduardo Lekunberrik egingo ditu, Asier Lauzirika delegatua izango da eta Joseba Olaeta bera kirol zuzendaria. Horiek osatuko dute talde teknikoa.
Euskal Liga
Ohorezko Mailako talde guztiak aurkari dituztela dio Olaetak, baina, batez ere, lau talde ikusten ditu taularen gorengo postuetan. «Valladolid R.A.C.-ek dirua du, eta ondo ibiliko da aurten ere; C.R. El Salvadorrek harrobi ona dauka; U.E. Santboiana eta C.R. Cisneros ere ondo ibiliko direla uste dut. Ohorezko Mailara igo berri den F.C. Barcelona da berritasuna, eta ez dakigu zer nolako taldea duen”.
Dena den, maila mantentzeaz gain, sailkapen orokorrean iaz baino hobeto ibiltzeko erronka dute basurdeek.
Lehenego taldean indarrak jarriko dituzte aurten, baina berreskuratu duten bigarren taldearengan ere itxaropenak ditu klubak. Euskal Ligara bueltatuko da Gernika Rugby Taldea, eta ekipo ona dakar, Olaetaren iritziz: “Jokalari onak ditu taldeak, eta jubenil mailako zenbait jokalarik ere bigarren talde horrekin jokatuko dute”.
Bere esanetan, hor dago etorkizuna. “Taldean etxekoak diren gero eta jokalari gehiago izatea da helburua, harrobi sendoa sortu eta fitxaketa gutxiago egin”. Zentzu horretan, entrenatzaileak trebatuko ditu klubak, formakuntza eskainiz.
500 bazkide baino gehiago ditu Gernika Rugby Taldeak gaur egun, baina kopuru hori handitu gura dute klubeko arduradunek. Hala, bazkidetza egiteko deia egin dute. Urteko kuota 60 eurokoa da, eta tribunan lekua gordeta izan nahi duenarentzat 120 eurokoa. Basurde tabernan eta klubaren webgunean (www.gernikarugby.com) egin daiteke bazkidetza. 
