Madalenetan Izaro irlara joateko 16 leku zozkatuko ditu Bermeoko Udalak
Beste behin ere, Madalen egunean Izarora joateko 16 leku zozkatuko ditu Bermeoko Udalak. Zozketa horretan parte hartu gura dutenek Berh@z bulegora jo beharko dute izena emotera. Horretarako azken eguna hilaren 17a izango da.
Udalak azaldu duenez, 18 urtetik gora dituzten bermeotarrek soilik parte hartu ahalko dute. Jakinarazi dutenez, iazko irabazleek ezin izango dute aurtengo zozketan parte hartu. Uztailaren 18an egingo dute zozketa eta irabazleen izenak jarraian ezagutaraziko dituzte udalaren wengunean edota Facebookeko profilean.
