Totorikaguenako kaleratzeen txostenari buruzko epaiketa hilaren 24an egingo dute
Totorikaguenako langileak, protestan
Ez dakigu zer gertatuko den, baina gustatuko litzaiguke gutxienez epaileak langileei arrazoa ematea eta enpresak gauzak txarto egin dituela onartzea”Dendak zarratzeko prozesu horretan enpresak gauza asko txarto egin dituela salatu dute ELA eta LAB sindikatuek. Lan Ikuskaritzak ere isunak ipini dizkio enpresari. Langileen ordezkariak behargin konkretu baten kasua aipatu du: «1992. urtetik hona aldi baterako kontratuekin izan da lanean, 1982. urtetik 1992. urtera kontratu mugagabea izan zuen arren». Kasu horretan enpresak hutsegite larria egin zuela esan zuen Lan Ikuskaritzak. Soldatak eta aparteko lansariak zorrean Epaiketaren zain, eta enpresak beharginei zor zizkien oporrak igarota, langabezia saria eskatzeko aukera izan dute langile gehienek. Kaleratze gutunak hartu zituzten Totorikaguenako langileek maiatzaren 27an, baina azken nominarik ezta kitapenik ere ez dute jaso. Zor dizkieten soldatak eta kitapena bera ere epaitegian erreklamatu ditu ELAk. Horrez gain, langileek eurek ere banakako erreklamazioak egin dituztela zehaztu du Basarasek. 2013ko ekaineko eta abenduko aparteko lansariak eta 2014ko bi soldata zor dizkie enpresak langileei. «Ez dugu ahaztu behar, gainera, 2014ari zegokion KPIaren igoera ez zutela aplikatu».
