Bideo bat grabatu dute Ibilaldiko 'Erronka' lehiaketa bultzatzeko
http://youtu.be/XEXBHwHiPIw
Bizkaiko ikastolek, eta, batez ere ikasleek, protagonismoa hartzeko modua izango dute Ibilaldian, aurten lehenengoz, egingo duten Erronkaren bidez. Bizkaiko ikastoletako DBHko ikasleek parte hartu ahal izango dute ikasleen arteko lehiaketan. Proba fisikoak eta adimen probak uztartuta, gazteei ondo pasatzeko beste aukera bat eskeini nahi die antolakuntzak. Lehiaketa berria bultzatzeko bideo bat grabatu du Ibilaldia Elkarteak.
09:30ean batuko dira taldeak, Gernika-Lumoko auditorioan; eta Pasealekuan egingo dute lehenengo proba. Hain zuzen, herri kirolen ginkana izango da Pasealekuan gainditu beharko dutena. Hala, proba amaitzeko behar izan duten denboraren arabera, gune batera edo bestera joan beharko dute taldeek. Hala, Lurgorri gunera joango dira batzuk, ikastolara beste batzuk, eta gainontzekoak Urdaibai gunera.
Gune bakoitzeko irabazleak finalerako sailkatuko dira, zuzenean. Gainontzeko taldeek euren arteko lehia jokatu beharko dute finalera helduko den laugarrena izateko. Gernika-Lumoko insititutuan jokatuko da finala, 13:00ak aldera. Hain zuzen, 15:00etarako erronken jokoa amaituta egotea da asmoa.
