800 parte hartzaile izan ditu Gernika-Lumoko II. Mendi Jaiak

Busturialdeko Hitza

Busturialdea

2014/05/19

II. mendi Jaia. Martxa laburraren hasiera

II. Mendi Jaiak 800 lagun inguru batu zituen atzo, maiatzaren 18an, Gernika-Lumon. Pozik da Arrolape Mendi Taldea, bai lasterka, oinez zen mendiko bizikletan, parte hartzea handia izan delako. “Egun berean beste hainbeste lasterketa izan direla kontuan hartuta, jende asko batu ziren mendi jaian, eta balorazio ona egiten dugu”, azaldu du taldeko kide Oskar Moralesek. Kanpoko jende asko ere izan zen Gernika-Lumoko lasterketan, Nafarroatik eta Gipuzkoatik heldutakoak ere. “Agian Ibilaldiaren aldeko ekimena izan delako, edo Arrolapekoak Euskal Herriko hainbat lekutan ere izaten garelako, baina kanpoko jedea erakartzea ere lortu dugu, eta poztekoa da”. Azken batean, Seber Altube ikastolari laguntzea ere izan du helburu Gernika-Lumoko II. Mendi Jaiak, eta helburua bete dutela esan du Moralesek: “Aportazio ekonomikoa espero bestekoa izango da”. Urdaibai Koparen hirugarren proba Korrika parte hartu zutenek Urdaibai Koparen III. lasterketan parte hartu zuten.

Urdaibai Kopa, podiuma.

Emakumezkoak eta gizonezkoak kontuan haartuta, guztiraa 120 mendi lasterkari izan ziren atzo Gernika-Lumoko proban. Gizonezkoen artean, Ibon San Miguel lekeitiarrak irabazi zuen proba, eta Serigrafia Sestato taldeko Montse Vazquez izan zen garaile nesken artean. Inma Ruiz gernikarrak hirugarren egin zuen. Gizonezkoen artean, aipatzekoak dira Arrolape taldeko Tedy Garzon Mendizabalek laugarren postua lortu zuela, eta bosgarrena Joanes Goitisolok.