'Lekuek' jaialdiak 30 musika eta talde baino gehiago dakartza, domekatik aurrera

Busturialdeko Hitza

Busturialdea

2014/03/05

Lekuek jaialdian joko duten taldeen eta herriko taldeen diskoen erakusketa jarri dute Liburutegian

Lekuek jaialdian joko duten taldeen eta herriko taldeen diskoen erakusketa jarri dute udal liburutegian

Domekatik aurrera, Gernikako Lekuek musika jaialdiak Gernika-Lumo hartuko du zortzi egunez. Musika oinarritzat hartuta, kultura sustatzea da antolatzaileen helburua, herriari bizitasun apur bat emanez. Izan ere, aste barruan ere herrian giro ona egon dadin nahi dute. Zortzi eguneko egitarauaren barruan 30 musikari eta talde baino gehiago batuko dira Gernika-Lumon. Kontzertuak, baina, ez dira musika zaleek aurkituko duten eskaintza bakarra. Izan ere, beste esparru batzuk ere jorratuko dituzte antolatzaileek. Besteak beste, film eta dokumental emanaldiak, tailerrak, hitzaldiak, kale ikuskizuna, binilo azoka eta erakusketa bat antolatu dituzte. Lekuek jaialdiko bonoak domekara arte izango dira salgai herriko zenbait gunetan. Lizeo Antzokian, Astran eta Arima, Arrano, Aterpe, Atxur, Irrintzi, J&B, Lagun Etxea, Ospa, eta Zeppelin tabernetan daude salgai. Udal liburutegiak eta Allende Salazar ikastetxeak ere Lekuek musika jaialdiagaz bat egin dute. Liburutegian, esaterako, musika jaialdian joko duten taldeen eta herriko taldeen diskoak jarri dituzte ikusgai. Astelehenean zabaldu zuten erakusketa, eta hilaren 15a arte izango dira ikusgai diskoak. Allende Salazar ikastetxean, bestalde, jaialdian joko duten taldeen diskoak jartzen ari dira egunotan megafoniatik.

Egitaraua egunez-egun

Martxoaren 7tik 23ra

Rock taldeen argazkiak, tabernetan. Argazkilariak: Joseba Barrenetxea, Ruben Petralanda, Igor Zalbidea, Saioa (Emarock), Hibai Agorria, Erlantz Ortiz, Gorka Pertika, Gigio Canales, Juanma El Indio.

Martxoarek 9an

20:30ean. Marcolm Holcombe bakarlaria (Trinkete Antitxokoan). Sarrerak bost eurotan.

Martxoaren 10ean

19:45ean. Espaloian musika taldea (Lizeo Antzokian). Sarrerak hiru eurotan.
21:30ean. The Harvey’s Cave musika taldea(Irrintzi tabernan). Doan.

Martxoaren 11n

20:30ean. Zinekluba: Desfile de pascua (Lizeo Antzokian). Sarrerak 3,5 eurotan.

Martxoaren 12an

20:00ean. Fiakun zigilua barne barnetik (Fiakun lokalean). Doan.
20:00ean. 160 metros: una historia de rock en Bizkaia dokumentalaren proiekzioa (Lizeo Antzokian). Joseba Gorordo eta Alvaro Fierrok emango dituzte azalpenak. Sarrerak hiru eurotan.
22:00etan. Argitan filmaren proiekzioa (Trinkete Antitxokoan). Doan.20:00ean.

Martxoaren 13an

19:00etan. Musika argitaratzeko lizentziak: Lizentzia libreak, copyleft, copyright… hitzaldia (Astran). Doan.
20:30ean. Zinekluba: The wall (Lizeo Antzokian). Sarrerak 3,5 eurotan.
22:00etan. Dead Bronco musika taldea (Astran). Sarrerak bost eurotan.

Martxoaren 14an

16:00etan. Mobydick bakarlaria (Arima tabernan). Doan.
17:00etan. Musika bizi: esperimentatu eta gozatu tailerra (Astran). Doan.
19:00etan. Streaming from the office 003: Undo eta El_Txef_A (Fiakun lokalean). Sarrerak bost eurotan.
20:30ean. Marlango musika taldea (Lizeo Antzokian). Sarrerak hamabi eurotan.
21:30ean. Sarkor, Estricalla eta Porco Bravo musika taldeak (Iparragirre Rock Elkartean). Sarrerak bost eurotan.
22:00etan. Gari bakarlaria (Astran). Sarrerak bost eurotan.
23:30ean. Audience musika taldea (Trinkete Antitxokoan). Sarrerak bost eurotan.
24:00etan. Selektah Step DJ-a (Zeppe tabernan). Doan.

Martxoaren 15a

11:30ean. Nolakoa izango litzateke jaialdi feminista bat? tailerra (Astran). Doan.
12:00etatik 15:00etara. Pintxopote musikala Juan Kaltzada kalean: Dr Beltza, txaranga…
17:00etan. Mursego eta Napoka Iria (Astran). Sarrerak bost eurotan.
17:40ean. Pies de plomo musika taldea Rockomobilean (Merkurion).
19:00etan. Backbone musika taldea Rockomobilean (Pasealekuan).
19:40ean. Tooth musika taldea Rockomobilean (Pasealekuan).
20:00etan. Fiakun Team DJ taldea (Aterpe tabernan). Doan.
20:20ean. Dum musika taldea Rockomobilean (Pasealekuan).
20:30ean. Ruper Ordorika bakarlaria (Lizeo Antzokian). Sarrerak hamar eurotan.
21:00etan. Juan de Diego trakas trio musika taldea(Basurde Rugby tabernan). Doan.
21:00etan. Pottors ta Klito musika taldea (Astran). Sarrerak hiru eurotan.
21:00etan. Bullets of Misery, Hyde Abbey, Dawn of the Maya eta 13 Bled Promises musika taldeak (Iparragirre Rock Elkartean). Sarrerak bost eurotan.
22:00etan. Esne Beltza eta Tea Party DJs musika taldeak (Astran). Sarrerak bost eurotan.
23:30ean. Atom Rhumba musika taldea (Trinkete Antitxokoan). Sarrerak bost eurotan.
24:00etan. Musika herriko tabernetan. Aquarius Heaven (Aterpen); DJ Lon Rock&Soul (Ariman); Jok&Jon’s eta Kostas (Zaplasten); DJ Dan Moduen (Irrintzin); Cotton Club Session (Zeppelinen). Doan.
02:00etan. Iñaki Marin DJ-a (Revolutionen). Sarrerak zortzi eurotan; bonoagaz joanez gero, sei eurotan.

Martxoaren 16an

12:00etan. Aupa Maurizia! ikuskizuna antzeztuko dute herriko kaleetatik.
13:00etatik 20:00etara. Binilo Azoka Power Records-en eskutik (Arima tabernan).
18:00etan. 27 urte ez dira ezer! Zintzilik Irratia, herri baten historia dokumentalaren proiekzioa (Astran). Doan.
20:00etan. Naica musika taldea (Lizeo Antzokian). Sarrerak bost eurotan.