Ehunka lagunek adierazi diote elkartasuna Jone Amezaga gazteari

http://youtu.be/vo25T9oR2Sc

Busturialdeko Hitza

Busturialdea

2013/12/02

Jon den zapatuan, ‘Jone Libre’ eguna egin zuten Gernika-Lumon, Jone Amezaga Errigoitiko bizilagunari elkartasuna adierazteko asmoagaz. Egun guztian zehar ehunka lagun elkartu ziren bertoko herrian. Amezagak 18 hilabeteko kartzela zigorra jaso zuen, pankarta bat jartzea leporatuta. Egunari Merkatu plazan eman zioten hasiera. Bertan egin zituzten umeentzako molto motorren lasterketak, eta lagunarteko gazte olinpiadak. Goizean zehar giro bikaina izan zen. Merkatu plazatik joandakoan, triki-bertso-kantu poteoa egin zuten bildutakoek. Tarbenarik taberna giroa alaituz ibili ziren Joneri elkartasuna adierazteko bildutakoak. Poteoaren ostean, bestalde, 100 bat lagunek bazkari herrikoian parte hartu zuten. Bapo jan ostean, zenbait bertso entzuteko aukera izan zuten Astran batutakoek. Eguneko ekitaldi jendetsuenak arratsaldetik aurrera egin zituzten. Alde batetik Jone Libre eguneko desafioa gainditu zuten bertoko herritarrek. Hain zuzen, 548 altxaldi eman zizkioten 18 kiloko fardelari; altxaldi bana epaileak eskatu dion zigor egun bakoitzeko. Horren ostean, bestalde, manifestazioan atera ziren ehunka lagun, lemapean. Egunari amaiera emateko Zantarrak, Primeros Auxilios eta PPB musika taldeen kontzertuekin gozatzeko aukera izan zuten Pasealekuan.