Arrano arrantzalea behatzeko txangoak egingo dituzte itsasadarretik

Busturialdeko Hitza

Busturialdea

2013/09/24

Foruko barnetegiko ikasleak Urandere ontzian

Natura, historia, ohiturak, paisaiaren interpretazioa eta hegaztien behaketa lantzeko aukera eskaintzen du Urdaibai On Kooperatibak Urandere ontziaren bitartez. Guztia, Urdaibai Biosfera Erreserbako bihotzean eskaintzen dute, itsasadarretik txangoak antolatuta. Udazkenean sartuta, eskaintza zabaldu du Kooperatibak eta arrano arrantzalearen behaketarako txangoak ere eskainiko dituzte. Izan ere, arrano arrantzalea berrindartzeko eta berreskuratzeko proiektua ipini dute abian Bizkaiko Foru Aldundiko Ingurumen eta Nekazaritza sailak, Urdaibai Bird Centerrekin elkarlanean. Proiektuaren helburua, Urdaibain espeziearen populazio ugalkor bat sortzea da. Horretaz baliatuta, Urandere ontzitik horiek behatzeko aukera izango da, tartean Urdaibaiko Erreserban ibiltzen diren beste hainbat hegazti behatzeko aukera ere izango delarik. Urriko bi astelehenetan Udazkena eta negua izanik Urdaibain hegazti ugarienak izaten diren urtaroak, datorren hilerako txango bi antolatu ditu Urdaibai On Kooperatibak. Urriko bigarren eta laugarren astelehenetan izango dira hegaztiak behatzeko irteerak eta bi ibilbide izango dira aukeran: Mundakatik Gernika-Lumorako ibilbidea egin daiteke 11:00etan ontzia hartuta, edo alderantziz, Gernika-Lumotik abiatuta Mundakaraino ere joan daiteke 13:00ak inguruan. Txangoak 20 euro balio duela zehaztu dute eta erreserbak Kooperatibaren helbide elektronikoaren bitartez egin beharko dira urdaibaion@urdaibaion.com-era idatzita. Txangoak musikaz lagunduta egingo dituzte eta bisita gidatuak euskara mailakatua erabilita egin daitezkeela jakinarazi dute. Bestalde, jakinarazi dutenez, Urandere Ur-gaineko Ikasgela egitasmoa eskaintzen ari dira ikastetxeetan. Hain zuzen ere, ikasgai jakin batzuk ontzian bertan lantzeko aukera eskaini gura die ikasleei eta irakasleei. Izan ere, egitasmoaren antolatzaileen ustez, «ontzia naturan, historian, artean zein beste edozein arlotan murgiltzeko tresna ezin hobea da».

Arrano arrantzalea behatzeko txangoak egingo dituzte itsasadarretik

Bizkaia

Azaroan hasiko dituzte Ermuko mendebaldeko saihesbidearen lanak

Aldiriko lehen Lottu trena bihar hasiko da Bilbo eta Urduña arteko bidea egiten

Hondakin organikoekin, Araban, Bizkaian eta Gipuzkoan kontsumitzen den gasaren %1,2 ekoitziko dute Bilbon

Emakume baten gorpua aurkitu dute Barakaldon, eta ikerketa bat abiatu dute

Bilboko Udalak emakume bat etxegabetu du Otxarkoagan

Gizon bat atxilotu dute Trapagaranen, emakume bat autoz harrapatzea eta ihes egitea egotzita

Bizkaiko umeek eta nerabeek euren iritzia kontuan hartzeko eskatu dute

Europako pintzelek irudikatutako Amerika bildu du Bilboko Arte Ederren Museoak

Bilbon gizon homosexualak hiltzen zituen gizona hirugarren aldiz zigortu dute hilketagatik

Manifestaziora deitu dute Erandioko Los Ochos eraikinetako bizilagunak etxegabetu nahi dituztela salatzeko

Andre eskulangileek erakusleiho bat izango dute bihar Diman

Bidesariaren aurkako plataformak AP-68agatik ez ordaintzera deitu ditu gidariak

Santurtziko Udalak aitortu du udaltzainek ez dietela Ander S.T.-ren heriotza eragin zuen atxiloketari buruzko informazio osoa helarazi

Portugaleteko Gurdibide, munduko hiri mahastien taldean

Deslokalizazioaren eta desmemoriaren aurkako literatura