Swazilandiara eta Kubara jauzi egiteko aukera dakar aurtengo folklore jaialdiak

Busturialdeko Hitza

Busturialdea

2013/07/25

PelePele taldeko zenbait kide

Hutsik egin barik dator aurten ere Nazioarteko Folklore Jaialdia Gernika-Lumora. Oraingoan, Gernika-Lumoko Elai-Alairen eta Galdakaoko Andra Mariren eskutik datozen euskal dantzekin batera, Swazilandiako eta Kubako dantzak ezagutzeko aukera egongo da, PelePele eta Camagua folklore taldeen eskutik, hurrenez hurren. 2003an sortu zen PelePele taldea, Larry Mhlanga dantzari, koreografo, perkusionista, aktore, zinema zuzendari eta ekoizlearen ekimenez. Taldea osatzen duten 30 dantzari, musikari eta perkusionistek hainbat diziplina jorratzen dituzte emanaldietan, garapenean dagoan lurralde baten ondare kulturala osatzea xede. Pobreen, umerzurtzen, aktibista kulturalen eta laguntzarik ez dutenen bozeramale izanez, itxaropen mezu bat zabaltzen du taldeak: Gaur jardun, gure kultura gorde eta etorkizuna bermatu ahal izateko. Gernika-Lumon aurkeztuko duen ikuskizunak, bestalde, Injabulo Africa du izenburu, hau da, Zorionak Afrikan. Kubako historia, dantzetan Camagua folklore taldeko kideak Fernando Medrano Vireyaren zuzendaritzapean ariko dira. Aurkeztuko duten ikuskizuna atal ezberdinetan banatuta dago. Hala, atalez atal, Amerikako herrialdearen historiaren errepasoa egingo du taldeak: herri tradizio zahar eta jatorrenak ezagutaraziko ditu, nekazal munduko XVIII. mendera eta esklabuen sasoira eramango du ikuslea, Karibeko herrialde guztiek Kubako tradizioetan duten eraginaren isla azalduko du… Azken atalean, Congos trinitarios izenburupean, dantza tradizionalak jasoko ditu, «oraindik ere bizirik jarraitzen duen iragana presente» eginez.

Camaguako dantzari bat

Galdakaoko Andra Mari eta Gernika-Lumoko Elai-Alai dantzari taldeek, azkenik, euskal dantzen inguruan urteetan egindako lana erakutsiko dute jendaurrean. Folklore jaialdia

Taldeak. Gernika-Lumoko Elai-Alai, Galdakaoko Andra Mari, Swazilandiako PelePele eta Kubako Camagua.
Noiz. Uztailaren 27an, zapatuan.
Non. Gernika-Lumoko Jai Alai pilotalekuan, 21:30ean.
Prezioa. Dohainik.

Swazilandiara eta Kubara jauzi egiteko aukera dakar aurtengo folklore jaialdiak

Bizkaia

Bizkaiko umeek eta nerabeek euren iritzia kontuan hartzeko eskatu dute

Europako pintzelek irudikatutako Amerika bildu du Bilboko Arte Ederren Museoak

Bilbon gizon homosexualak hiltzen zituen gizona hirugarren aldiz zigortu dute hilketagatik

Manifestaziora deitu dute Erandioko Los Ochos eraikinetako bizilagunak etxegabetu nahi dituztela salatzeko

Andre eskulangileek erakusleiho bat izango dute bihar Diman

Bidesariaren aurkako plataformak AP-68agatik ez ordaintzera deitu ditu gidariak

Santurtziko Udalak aitortu du udaltzainek ez dietela Ander S.T.-ren heriotza eragin zuen atxiloketari buruzko informazio osoa helarazi

Portugaleteko Gurdibide, munduko hiri mahastien taldean

Deslokalizazioaren eta desmemoriaren aurkako literatura

Gogora-k Urduñako espetxe frankistan hil ziren beste bost presoren gorpuzkiak identifikatu ditu

Aburtoren legatuari ez ezik, EH Bilduk agintean egiten duenari erreparatu dio EAJk Bilboko osoko bilkuran

Bizkaiko gasolindegien mahaian euskaraz negoziatzeari uko egitea egotzi die ELAk patronalari eta CCOOri

Santurtzin hildakoaren kontra taser pistola erabili zuten zoruan immobilizatuta zegoela

Zabalik da Durangoko Azokarako proposamenak bidaltzeko epea