Ikastaro barrietan izena emoteko epea zabaldu dute Muxikan
Muxikako Udal Liburutegiak 2012ko ikastaroen eskaintzaren barri emon du. Otsailetik maiatzera bitartean emongo dituzte ikastaroak, eta barritasunak egongo dira. Izan be, areto dantza klaseak eta fruta arbolak zaintzen ikasteko klaseak emongo dituzte, lehenengoz.
Ikastaro guztiak Kurtzero auzoko Zubietaerrota eraikinean emongo dituzte, areto dantza ikastaroa izan ezik. Dantzan egin gura dutenek, Ariatza auzoko eskolan izango dute aukera.
- Areto dantzak: Otsailetik maiatzera bitartean, barikuetan, 20:30ean. Matrikula: 25 euro.
- Fruta arbolen formazioa eta inausketa: Otsailaren 9an, 18:00etan, klase teorikoa; otsailaren 11n, klase praktikoa, goizez. Ez da ordaindu behar klaseetara joateko.
- Yoga: Otsailetik maiatzera bitartean, martitzenetan eta eguenetan. Erretiratuak 18:00etan, gainontzekoak 19:00etan.
- Pilates: Otsailetik maiatzera bitartean. Eguaztenetan eta barikuetan, 11:30ean; astelehenetan eta eguaztenetan, 19:00etan. Matrikula: 20 euro.
- Eskulanak: Otsailetik maiatzera bitartean, barikuetan, 18:00etan. Matrikula: 15 euro.
