Ricardo Bastida arkitektoak 1925ean Sukarrietan altxa zuen eraikin multzoa babesturiko kultur ondare izendatzea erabaki du Eusko Jaurlaritzak. Erabakia martxoaren 28an hartu zuten, udalekuaren eremu guztia kultur ondare bezala sailkatuz. Hain zuzen be, monumentu multzoaren kategoria emon diote. Ildo horretatik, eraikin nagusia bebesteaz gain, zaintzailearen etxebizitza, zuzendariaren etxebizitza, kirol azpiegiturak eta ortuak be, babestu dituzte. Jon Martinez Abiñako Auzokideen Elkarteko lehendakariak jakinarazi duenez, “oso pozik gaude Jaurlaritzak zonaldea babestu duelako”. Davidek Goliat menperatu duela azpimarratu du eta udalekuekin zein bertan dauden eraikinen presentziagaz “gozatzen” jarraitzeko aukera izango dutela argudiatu du. Izan be, lehendakariaren esanetan, “udalekuak oso onuragarriak dira guztiontzat”. Martinezek argitu duenez, “erabakiak ez du atzera bueltarik epe laburrera zein ertainera”. Bizkaiko Foru Aldundiak erabakiari helegitea jarriz gero, administrazioarekiko auzi errekurtsoaren bidea hartu beharko luke. Aldundiak hilabete biko epea izango du Euskal Autonomi Erkidegoko (EAE) Auzitegi Nagusian Errekurtsoa jartzeko, baina “urteetako atzerapen luzea izango litzateke, Guggenheim museoa eskualdean eraikitzeko asmoagaz jarraituz gero”. Horrela, Urdaibaiko Guggenheim “auziaren amaiera” izan daitekeela azpimarratu du auzo elkarteko lehendakariak. Espekulazioaren gainetik, “herritarren ongizatea” bermatu delako daude pozik Abiñatarrak. Bizkaiak eta Euskal Herri osoak, zonalde horregaz gozatzen jarraitzeko aukera izango duela dio Martinezek, “erabaki onuragarria” dela gaineratuz. Zenbait arrazoi Abiñako Auzokideen Elkarteko lehendakariarentzat, “arrazoi sendoak” daude Sukarrietako [...]
Elantxobeko portura doan errepidearen zati bat apurtu egin zen joan den azaroan, denboralearen eraginez. Joan den astean amaitu zituzten errepidea konpontzeko lanak. Lan horiek bukatu artean, portura doan errepidea itxita izan dute herritarrek eta bisi...
XVI Nazioarteko Sprint-Duatloia lehiatuko dute zapatuan, Gernika-Lumon. Dagoeneko berrehun atletek baino gehiagok emon dute parte hartzeko izena, 215k gizonezkoen kategorian eta 20k emakumezkoen kategorian. Irteera lerroan puntako kirolariak izango dir...
Josu Munitizek (Bermeo, 1970) Ezpataren erreinua nobela aurkeztuko du bihar Bermeoko Udal Liburutegian, 19:00etatik aurrera. Idazlearen bigarren lana da Ezpataren erreinua, baina hirugarrena be «bidean» daukala azaldu du bermeotarrak. Oraingoan be Bilboko Ediciones Beta argitaletxeagaz kaleratuko du 204 orrialdeko eleberria. Zer kontatzen du ‘Ezpataren Erresuma’ nobelak? XII. mendeko azken hamarkadan oinarritutako nobela da, Gaztelako Alfonso VIII.a eta Nafarroako Sancho Azkarra erregeen arteko liskarretan. Nafarroako erresumako mugan dauden zenbait herrixkatan lapurretak egin eta biztanleak hiltzen ditu mertzenario talde batek. Otxandio familia bakean bizi da, baina, zorigaiztoko gertakarien erruz, etsipena ezagutuko du sendiak. Ane eta Juantxo Otxandioren bizitzak bat-batean aldatuko dira eta, bakoitza bere aldetik, errudunak aurkitzen saiatuko dira. Zer nabarmenduko zenuke nobela barritik? Nafarroako armarriak jasan duen aldaketa. Hasiera batean arrano beltza zen Nafarroako armarria, baina Navas de Tolosako (Jaen, Espainia) batailaren ostean, gaur egungo kateak agertzen dira armarrian. Liburuan aldaketa horren zergatia azaltzen dut, eta oso interesgarria da. Navas de Tolosako bataila hartzen duzu abiapuntutzat eta lehenengo nobela Matxitxakoko batailan girotu zenuen. Gerra nobelak idaztea gustuko duzu? Kaleratu ditudan eleberri bietan batailak egon dira oinarrian, baina beti ez da horrela izango. Hirugarren nobela prestatzen hasi naiz eta horretan ez dago batailarik. Zein da hirugarren eleberrian landuko duzun gaia? 1918an Bizkaiko [...]
Saioa hasten baduzu, HITZAkide izatearen abantailak baliatu ahal izango dituzu.
HITZAkide naiz, baina oraindik ez dut kontua sortu SORTU KONTUA
Zure kontua ongi sortu da.
Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea
HITZAkide izan nahi dutTokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
Ezagutu HITZAkide izatearen abantailak eta aukeratu HITZAkide izateko gustuko modalitatea.
HITZAkide izan nahi dut
