Bizkaian Sokatira Landuz izeneko proiektua aurkeztu dute gaur: ikastetxeetan tiralari profesionalen ikastaro espezializatuekin sokatira sustatu eta belaunaldi berrien artean tiratzaileen harrobia sortu gura dute. 2025erako proiektua Gernika-Lumoko ikastetxeetara eroatea aurreikusi dute.
Bermeoko Minbiziaren Aurkako Elkartea osatzen duten boluntarioek Gabon Azoka Solidarioa antolatu dute, hirugarrenez. Bihar arte [abenduak 13] bisitatu ahalko da, elkartearen lokalean, 17:00etatik 20:00etara.
Urtarrilaren 26an egingo dute kirola eta aldarrikapena uztartzen dituen Etxera Trail. Internet bidez aurretiaz izena emateko epea zabaldu du antolakuntzak, egun hori baino astebete lehenagora arte.
Foruko Sokatira Taldeak Bizkaiko Goma Gaineko Sokatira Txapelketaren finala lehiatuko du zapatuan [abenduak 14]. Eskualdeko ordezkaritzak emakumezkoen 520 kiloko eta gizonezkoen 620 kiloko finaletan parte hartuko du.
Garoa Martinez atleta bermeotarrak Munduko Halterofilia Txapelketan parte hartu du asteon, Bahrainen.
Akie Abe, 2012 eta 2020 artean Japoniako lehen ministro izandako Shinzo Aberen alarguna Gernikako Batzar Etxean izan da gaur [abenduak 12]. Europa Parkean gereziondo japoniar bat landatu dute.