Gautegiz Arteagako Udalak herriko tabernaren kudeaketa lehiaketa publikora ateratzea onartu du azken osoko bilkuran. Besteak beste, herrian lana sortzearen eta gizarte mugimendua biziberritzearen alde egin gura du Gautegiz Arteagako Udalak, eta, horreg...
Herriko gazteekin elkarlanean, Busturiko Udalak Gazte Plana garatu gura du. Horregatik, domekarako Gazte Foroa deitu dute. Bertan Busturiko gazteen egoeraz ariko dira besteren artean, «Busturiko egoera zehatza zein den haunartzeko eta alternatibaik eraikitzeko». Urremendi Landa Garapenerako Gazte Planaren baitan egon zen Busturiko Udala iaz arte, «handik ateratzea erabaki genuen Busturiko Gazte Plan propioa garatzeko asmoa genuelako. Busturiko gazteengandik sortua eta Busturiko gazteentzako, hain zuzen be. Gainera, hori egiteko asmoz gure programan jasota zegoen», azaldu du Miren Fatima Malaxetxebarria Busturiko alkateak. Gazte Plan hori eratzen joateko lehenengo Gazte Foroa deitu dute domekarako. 18:00etan ipini dute hitzordua Axpe auzoko Aingerubide Kultur Etxean. Etorkizunerako asmoak Gazteekin batzartuko direla azaldu du alkateak, «beraien beharrizanak zuzenean jasotzeko eta etorkizunera begira zein asmo dituzten jakiteko, besteak beste. Bertatik ateratakoarekin eta beraiekin batera eta hori da garrantzitsuena, batera egingo dugula, Busturiko Gazteentzako Plana diseinatuko dugu». Malaxetxebarriak jakinarazi duen moduan, iazko aurrekontuetan Gazte Plan hori diseinatzeko diru kantitate bat zuzendu zuten, halanda be, «oraindik ez da gauzatu». Herriko gazteak «oso aktiboak eta parte hartzaileak» direla nabarmendu du alkateak, «herrian egiten diren gauza guztietan laguntzen dute, gauza askorekin arduratzen dira baina zuzenean lan hori egiteko ez gara oraindik gelditu». Domekan egingo duten Gazte Foro horretatik agian ordezkaritzaren bat atera [...]
Gautegiz Arteagako Udalak Busturialdeko Mankomunitatean sartzeko eskera formala egitea onartu du azken osoko bilkuran. Hala, 2013. urte hasierarako mankomunitateko kidea izatea espero du. Herri hondakinak kudeatzeko dituzten zailtasun orografikoei eta ...
Kanporaketa faseko azken txanpan sartu da Bizkaiko Bertsolari Txapelketa, azken saioa izango baitu asteburu honetan jokatuko dena. Zornotzako Zelaieta zentroak hartuko du oraingoan bertso saioa, domekan, eta Julen Erezuma gernikarra izango da Lea-Artibaiko eta Busturialdeko ordezkari bakarra oholtza gainean. Hirugarrenez parte hartu du Erezumak Busturialdeko txapelketan, baina Bizkaikoan bigarrenez abestuko du. Bosgarren eta azken kanporaketa saioa den horretan, Oihana Bartra bilbotarra, Josu Gotzon Landeta getxoztarra, Unai Ormaetxea zornotzarra, Aitor Arrutia artzentalestarra eta Asier Legarreta meñakarra izango ditu Erezumak aurrez aurre. Zortziko nagusian eta txikian ofiziotan hiruna bertso osatu beharko dituzte bertsolariek lehenengo, eta bakarkako lanean, puntua emanda, bertso bi egin beharko dituzte zortziko handian, eta bat zortziko txikian. Kartzelako lanagaz bukatuko da saioa. Kasu horretan, gaia emanda hiru bertso osatu beharko dituzte, doinu eta neurri librean. Maite Berriozabal ariko da gai jartzaile lanetan. Epaileak, aldiz, Jurgi Fuentes, Ander Txakartegi, Gorka Intxaurbe, Jon Jaio, Josu Telleria eta Mirari Azula izango dira. 17:30ean hasiko da saioa, eta erabakiorra izango da, emaitzen arabera jakingo baita zein hamar bertsolari izango diren 2010eko finalistekin batera finalaurrekoetan. Iratxe Ibarra markina-xemeindarra Berriatuko saioan nagusitu zenez, eta Ibon Ajuria gernikarra Balmasedakoan, biak egongo dira finalaurrekoetan. Haiekin batera egongo da Onintza Enbeita muxikarra be, 2010eko finalista izateagatik. www.bertsosarrerak.eu webgunean [...]
Saioa hasten baduzu, HITZAkide izatearen abantailak baliatu ahal izango dituzu.
HITZAkide naiz, baina oraindik ez dut kontua sortu SORTU KONTUA
Zure kontua ongi sortu da.
Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea
HITZAkide izan nahi dutTokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
Ezagutu HITZAkide izatearen abantailak eta aukeratu HITZAkide izateko gustuko modalitatea.
HITZAkide izan nahi dut
