Osakidetzak, Bermeoko Gizarte Ongizaterako Udal Patronatuarekin elkarlanean, gripearen aurkako txertoa sustatzeko informazio kanpaina abiarazi dute. Bermeoz gain, Etxebarrin be egingo dutela jakinarazi dute. Kanpaina barria 64 urtetik gorakoei eta gaix...
Basurdeek ezin dute geratu. Liga hasi zutenetik partidarik galdu barik jarraitzen du Bizkaia Gernikak, eta eroso dago taldea sailkapenaren buruan. Hain zuzen, laugarren jardunaldian 41-14 hartu zuten menpen Atletico de Madrid. Bertokoek hasieratik kontrolatu zuten norgehiagoka, madrildarren ametsak berehala zapuztuz. Hala, nahiko erraz irabazi zuten. Atletico de Madridi irabazita, bertokoek puntu bakarra galdu dute lehenengo bost partidetan. Jokoan egon diren 25 puntuetatik 24 irabazi dituzte bertokoek. Joan den asteburuko partida, aurreikusi bezala hasi zen. Basurdeek baloiaren kontrola izan zuten hasieratik, eta berehala hartu zuten aurrea markagailuan. Lehen 25 minutuetan, esaterako, 24-0eko emaitza islatzen zuen markagailuak dagoeneko. Partida galduta ikusita, madrildarrek aurrera egin zuten eta entsegu bat egitea lortu zuten. Halanda be, gutxi iraun zuen kanpoztarren zorionak, atsedenaldira heldu aurretik bonus puntua lortu baitzuen Bizkaia Gernikak. Lehenengo zatiko lau entseguak Magunazelaiak (2), Cusack-ek eta Unai Lasak egin zituzten. Bigarren zatia be, lehenengoaren antzera hasi zen. Basurdeak erasoan hasi ziren, eta laugarren minuturako 34-7 ziren aurretik. Gernikarren bosgarren entsegua Aitzol Martitegik egin zuen. Martitegik zenbait hilabete egin ditu jokatu gabe, eta zaleek txalo zaparrada ikaragarria eskaini zioten entsegua egiterakoan. Denboraldia ez hastea erabaki bazuen be, taldera bueltatu da gernikarra, eta zaleak pozarren daude. Partida guztiz erabakita, Bizkaia Gernika erlaxatu egin zen, eta [...]
Bermeo Futbol Taldea sailkapeneko bosgarren postura arte igo da, joan den asteburuan Alavesen bigarren taldeari irabazita. Zazpi jardunaldi jokatuta, bermeotarrek partidarik galdu barik jarraitzen dute, eta dagoeneko, sailkapenaren goiko aldean daude. Joan den denboraldian maila bat berago jokatzeak ez ditu urduri jarri, eta play-off postuetatik puntu bakarrera daude. Joan den asteburuan 3-0 nagusitu ziren bertokoak. Bermeotarrek hasieratik kontrolatu zuen partida, eta Alavesek utzitako hutsuneak baliatu zituzten golak sartzeko. Alaveseko jokalariak ausart zelairatu ziren Itxasganera, baina bertokoek hobeto aprobetxatu zituzten aukerak. Jarak, Josuk eta Unai Alkortak sartu zituzten golak.
Joan den asteburuan Gernika Futbol Taldeak denboraldiko bigarren partida irabazi zuen, Durangon. Gernikarrek seigarren jardunaldian emon zioten amaiera bolada txarrari, eta badirudi garaipenaren norabidean jarri direla, aste bete beranduago Cultural Du...
EH Bilduren egoitza –Pablo Picasso kalean– inauguratzeko ekitaldia egin dute Gernika-Lumon, Euskal Herriaren historiari errepasoa egin eta oztopoak oztopo antolatzeko eta aurrera egiteko gaitasuna daukala nabarmenduz. Idoia Fernandezek esan duenez,...
Gernika KESBek, GDKO Ibaizabalek, Rivas Ecopolis-ek (Madril; Espainia) eta Perfumerias Avenidasek (Salamanca; Espainia) Bizkaia Torneoa jokatu zuten joan de asteburuan, Gernika-Lumon. Final orekatu baten ostean, Avenidak irabazi zuen torneoa. Hain zuzen, 74-75 irabazi zioten Rivas Ecopolisi. Garaipenaren saskiratzea azken segunduetan sartu zuten salamancarrek. Madrildarrek eta salamancarrek emakumezkoen lehenengo mailan jokatzen dute, eta nahiko erraz nagusitu ziren sailkapen partidetan. Hala, aurreikuspen guztiak beteta, Gernika-Lumokoak eta Durangokoak finaletik kanpo geratu ziren. Gernika KESBeko neskak, laugarren postuan sailkatu ziren, azken partidan GDKO Ibazabalen kontra 52-62 galdu ostean. Orokorrean, durangarrak gehiago izan ziren, eta merezita irabazi zuten norgehiagoka. Atsedenaldian sei puntuko aldea zuen Ibaizabalek, baina bigarren zatian, bertokoek ez zuten asmatu. Arazo asko izan zituzten baloia saskiratzeko. Sailkapen partidak Torneoaren lehenengo partida Gernika KESBek eta Avenidak jokatu zuten. Salamancarrek Europako jokalari hoberenetako batzuk dituzte taldea, baina majo sufritu behar izan zuten finalerako sailkatzeko. Azkenengo laurdenera arte oreka izan zen nagusi markagailuan. Atsedenaldian, esaterako, puntu bakarreko aldeagatik irabazten zuen Avenidad. KESBekoek presioagaz asmatu zuten, eta kanpotarrek puntuak pilatzeko arazoak izan zituzten. Bigarren zatian, halanda be, bertokoak behera etorri ziren apur bat, eta Avenida nagusitzen hasi zen. Gernikarrek ondo jokatzen jarraitu zuten, baina salamancarrek lehenengo mailako taldea direla erakutsi zuten. Hirugarren laurdenaren amaieran, esaterako, sei puntuko [...]
Ertzaintzak 23 urteko gazte bat atxilotu zuen atzo arratsaldean Bermeon, gazteen lokal batean telebista bat lapurtzea leporatuta. Lekuko baten arabera, gaztea telebista eskuetan zeramala korrika atera zen gazteen lokaletik. Lekukoak lapurreta zelaren s...
Berriatuan jokatu da Bizkaiko Bertsolari Txapelketaren lehenengo saioa. Iratxe Ibarra nagusitu da; beraz, markinarra zuzenean sailkatuko da finalaurreetara. Gainontzekoek, Xabier Enbeita gernikarrak tartean, puntuazinoaren arabera izango dabe aukera. I...
Saioa hasten baduzu, HITZAkide izatearen abantailak baliatu ahal izango dituzu.
HITZAkide naiz, baina oraindik ez dut kontua sortu SORTU KONTUA
Zure kontua ongi sortu da.
Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea
HITZAkide izan nahi dutTokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
Ezagutu HITZAkide izatearen abantailak eta aukeratu HITZAkide izateko gustuko modalitatea.
HITZAkide izan nahi dut
