Gautegiz Arteagako Herriko plaza eta inguruak berrurbanizatzeko eta birmoldatzeko proiektua maiatzean hastea eta urriaren amaieran amaitzea aurreikusi dute udal arduradunek. Jakinarazi dute egun gutxi barru zabalduko dutela udal gimnasio berria.
Guggenheim Urdaibai museo proiektuaren inguruan herritarrek edukiko duten esku hartzea argitara eman du Bizkaiko Ahaldun Nagusiak, eta egitasmoaren bideragarritasuna bermatzeko hartutako neurriak azaldu ditu.
LED argiak jartzen ari dira dira Kanpantxuko faroletan, eta etzi amaituko dituzte lanak.
24 etxebizitza eraikiko dituzte Erreka eremuan, eta horietatik %40 36 urtetik beherakoentzat izango dira. 2026an etxebizitzak eraikitzeko lanekin hastea aurreikusi dute. Udalak lursaila doan utziko dio Etxebizitza Sailari, eta hark gauzatu eta ordainduko ditu lan guztiak. Pedro Jauregi Etxebizitza sailburuordeak azpimarratu du "Busturialdeko alokairuko lehen etxebizitza babestuak direla".
Talaian ate eta saski berriak ipini dituzte; herriko arraun taldeak eta kiroldegiak, ostera, material berria jaso dute.
Portu Kalean egin dute kableen lurrazpiratzea, pasarelatik kofradiaraino. 40.000 euroko kostua izan dute.
Aulkietan, piknik-guneetan eta zakarrontzietan egin dituzte aldaketak.
Bilbo-Bermeo ibilbidedun autobusen iragatea kontrolatzeko sistema "zaharkitua" zegoela azaldu dute Mundakako Udaletik, eta kamera sistema berriak ordezkatu duela.