Espainiako Arartekoak Ibon Iparragirreri buruzko informazioa eskatu du
Iparragirreren eskubideak behar bezala betetzen ote diren jakin nahi du orain Espainiako Arartekoak. Bien bitartean, Alcala Meco espetxean jarraitzen du preso, Arrasatera noiz ekarriko MIKEL SANTISOIbon Iparragirre preso gaixo larri ondarrutarraren ego...
Iparragirreren eskubideak behar bezala betetzen ote diren jakin nahi du orain Espainiako Arartekoak. Bien bitartean, Alcala Meco espetxean jarraitzen du preso, Arrasatera noiz ekarriko MIKEL SANTISO
Ibon Iparragirre preso gaixo larri ondarrutarraren egoerari buruzko informazioa eskatu du Espainiako Arartekoak.EH Bilduko senatari Jon Iñarrituk iazko udaberrian egindako eskaria oinarritzat hartuta abiarazi du prozesua Francisco M. Fernandez Marugan Espainiako Arartekoak. Iñarrituk 10.2 artikuluaren bitartez Espainiako diputatu eta senatariek administrazio publikoaren baitako erakundeetan eman daitezkeen giza eskubideen urraketak salatzeko bideari ekin zion, Ibon Iparragirre preso ondarrutarrak gaixotasun larria azkenengo fasean sartuta zuelako, eta espetxean mantenduz gero gaixo larriek etxean egoteko duten eskubidea urratzen zelako.
Jon Iñarritu senatariak esan du hasiera batean ez ziotela erantzun, baina hilabete batzuetara, informazio zehatzagoa bidaltzeko eskaria egin ziotela. Udazkenean, mediku talde batek Iparragirreren egoera «oso larria eta muturrekoa» zela esan zuenean, Iparragirreren abokatuei eskatutako txosten hori bidali zuen Iñarrituk Espainiako Arartekoaren bulegora. Iñarrituk esan du Espainiako Arartekoak Gabonetako oporraldian aitortu duela ikerketa bat jarrita daukatela martxan, «Iparragirreren giza eskubideak urratzen ari diren zantzuak» dituztelako. Era berean, Espainiako Arartekoak Espetxe Zaintzako Zuzendaritzari Iparragirre espetxean mantentzearen arrazoiak zeintzuk diren galdetu dio. Jon Iñarrituk esan du euskal presoen kasuan eta bereziki Iparragirrerenean Espainiako Espetxe Zuzen- daritza eta Espetxe Zaintzako Epaitegia «elkarri pilota pasatzen» ari direla. «Badirudi bi erakunde hauek ez dutela Ibon Iparragirre kalean utzi nahi, bai Ibonen egoera eta baita legea ere oso argiak direnean».
Prozesuari hasiera noiz eman zion ikusita, Iñarrituk gehitu du gauzak nahikoa geldo joan direla orain arte, baina hemendik aurrera arinago joatea espero duela, arazoaren larritasuna handia dela eta.
Aita Mennira
Abenduan Ibon Iparragirre Arrasateko Aita Menni zentrora bidaltzeko erabakia hartu zuen epaileak, baina Iparragirrek Alcala Meco espetxean (Madril, Espainia) jarraitzen du oraindik. Ez zen Iparra Galdu Baik plataformak espero zuen erabakia, Iparragirre etxera ekartzea baita euren asmoa. Senideek aitortu dutenez, erabaki horri helegiterik ez diote jarri, «prozedura are gehiago ez luzatzearren». Iparra Galdu Baik plataformak esan du nahiz eta Ibon etxera ekartzearen helburua oraindik ez duten lortu, Arrasateko ospitalera ekartzea «ikuspegi positibo bategaz» hartzen dutela, jarrera positiboa edukitzea izango delako aurrera jarraitzeko indarrak emango dizkiena.
Argi laga nahi izan dute euren helburua bat eta bakarra dela, eta bai plataformako kideek eta baita senide eta lagunek Ibon Iparragirre etxeratzea lortu arte lan egingo dutela.
Ez dakite Iparragirre noiz ekarriko duten Madrilgo presondegitik Arrasateko ospitalera, baina lekuz aldatzeko modua behar den bezalakoa izatea eskatu dute, Iparragirreren osasun egoerak ez dezan are gehiago txarrera egin.